يومية سياسية عربية مستقلة تصدر عن الشركة الاردنية للصحافة والنشر
المدير العام
سيف محمود الشريف
رئيس التحرير المسؤول
محمد حسن التل
العدد رقم 14992 الثلاثاء 24 صفر 1431هـ الموافق 9 شباط 2010
اراء و تعليقات
Bookmark and Share
تنفيييس: ابحثوا معي عن «لوك» * كامل النصيرات

 

تعبتُ من شكلي..لأن شكلي مُرهق لي..فكيف للآخرين..؟ كلما نظرتُ للمرآة..أجد ذات الوجه (الكًشًر) و(طبشتين) على الجبين: وحدة على اليمين تشبه الطيّارة والثانية على الشمال لم أجد لها تشبيها بعد ..،، شواربي (هًنّه هًنّه) وشعري الأجعد مش راضي يمشي دُغري (على فكرة نفسي أسشور مرة وحدة في حياتي )..، شفايفي بذات الحجم وذات الاستعمال..مناخيري أقرب إلى باكيت الدخان المطعوج منهن إلى المناخير ..،، أريد (لوكاً) جديداً..لوكاً لو (لَكْـلَكْته) مع كل لوكات إللي إتْلَكْلَكوا ما تلقى لوكاً أَلَكْلَكْ منه..، يعني بالمشرمحي: بدّي لوك يخلّي النسوان عليّ (حبطرش) ..وأنا أعدكم أن أبقى عفيفاً نظيفاً..، أمّا لماذا..؟ فلأن غلاء الأسعار إللي طالع كل شوية..بدأ يُخرًّب لي سحنتي ..فأنا أكظم غيظي معه..وهذا يؤثًّر على تقاسيم شكلي أو لوكي الحالي..ويجعل اللوك تاعي يتغيّر قسريّاً نحو لوك متأثًّر بما يتلقاه..، فمش معقول أن أشد على شفايفي كل شوية من غلاء سلعة..تورمن شفايفي ..وليس من المعقول أن أظل أحك بمناخيري كلّما شممتُ رائحة تغيير سعر..مناخيري صارن حُمُر من قدّام و مدبّبات .وليس من العدل أن أشد شعري المجعلك كلّما ارتفع سعر الشامبو..حتى إن إحدى الشعرات قالت لي أمس: ما تشد..أقع لحالي..، وقامت ناطّة..، بالمحصلة..لوكي يتغيّر..وأنا تعبتُ منه ومن المرآة ..وأنا لا أريد وقف الغلاء والارتفاع.. انا مع الحريّة..والأسعار لها الحريّة أن ترتفع كما تشاء ..ولكنني مع قمع لوكي الحالي بأن يتغير هكذا..أريد أنا أغيّره على مزاجي..،، لذا أهيب بكم جميعاً أن تبحثوا لي عن لوك جديد يليق بي ..لوك فيه عيون لا تجحّ..وشعر لا يُشد..و حواجب لا تتقافز..وشوارب لا تتراقص..ومناخير لا تتعاظم ..وشفايف لا تتآكل ..، نعم ..أريد من اللوك الجديد أن يريحني من عناء الشيخوخة المبكرة..ويحيلني إلى مواطن كل تعبيراته من الجبصين..!!

abo_watan@yahoo.com

التاريخ : 13-03-2008


أضف تعليق     طباعة الخبر ارسال للصديق
 
 

1- يطلعلك أحلى لوك
ابو دهاش النهاش || 3/13/2008 12:48:48 AM بتوقيت الأردن
بيطلعلك لوكين مش لوك واحد يا ابو نصيرات
هية هيفاء وهبي والا نانسي عجرم أحسن منك بإيش..؟؟
تحياتي على المقال الرائع
2- مقال رائع
ابو حبيب || 3/13/2008 1:19:15 AM بتوقيت الأردن
ما حكيت لنا اللوك الذي تريده صنع محلي وإلا بدك تطلع برة تعملو ؛ يعني عندك ثقة بالصناعة المحلية ؟
3- كلمة شكر
أحمد سلامه || 3/13/2008 1:20:15 AM بتوقيت الأردن
أشكرك شكرا جزيلا يا أستاذ كامل على ثناؤك العذب .. وإن كان كلامى لا يعجب الغالبية العظمى من الناس وأنا أعلم ذلك .. لماذا؟ لأنه حق .. لأنه واقع .. لأننى لست منافقا .. وسأستمر على هذا النهج .. الذى طريقه هو ضميرى أمام الله عز وجل ..
شكرا لك مرة أخرى مرورك .. وأدام الله المعروف بيننا .. والسلام
4- أرجوك استرح قليلا
asmhan2222@yahoo.com || 3/13/2008 1:44:59 AM بتوقيت الأردن
خفف عذابك يا صديقي قليلاً ..واسترح من جلد نفسك بنفسك ..أشعر أنك قريبا ستنتحر ونحن بحاجة لك ولقلمك ..أرجوك قلمك مؤلم جدا رغم سخريته ..أعشقك وأتتبع خطاك ..أتذكرني ؟؟
5- بلادة
سعاد بوعالم - الجزائر || 3/13/2008 2:25:50 AM بتوقيت الأردن
ويحيلني إلى مواطن كل تعبيراته من الجبصين ...

تبحث عن البلادة في المشاعر ؟ ونحن نعيش في ماذا يا كامل ؟ كل الذي يحدث في غزة والعراق والصمت العربي بل الشلل اليس من بلادة الجبص ؟

ابدعت في توصيفك على نفسك ما اردت ان تعممه على الوضع كله
6- أبحثوا عن لوك
سامية عبد المطلب || 3/13/2008 3:06:28 AM بتوقيت الأردن
الأستاذ الكاتب كامل نصيرات..
كنت عارفة أن وراء تشريفنا بالتعليقات .. يكمن مقلب من مقالبك الساخرة..
لكن لم اعرف ان الموضوع نيو لوك.. منذ متى وتعني باللوك وسنين اللوك.. ما قرأت عنك .. أن اللوك آخر حاجة ممكن تشغل بالك..
ومع ذلك جرب الحلول التالية..

-المعيشة في بلد أسعارها أقل..
- تكون نباتي وتشوف قطعة أرض تزرعها..
-أشرب مياه كثيرة حتى لا تشعر بالجوع.
-جرب قناع الخيار والزبادي.. طبعا على البشرة لا في المعدة..
-استلف الشيسوار من الجيران.. ولا تعيده لهم..
-استغنى عن حسبة 200 ألف دولار وسافر لوس أنجلوس وهم يضبطوك تماما..
وان لم ينفع كل هذا.. عليك أن تؤمن بحرية اللوك كما تؤمن بحرية الأسعار..
وان وجدت طريقة فعالة .. أرجو تبليغها لنا.. وعلى فكرة غسيل الوجه مفيد جدا..

تحياتي أستاذنا .. الله لا يحرمنا من الابتسام معك..
7- مجرد تساؤل
غريبة || 3/13/2008 3:25:19 AM بتوقيت الأردن
ليش عايدين المقالة مرتين والا هذا لوك جديد يتناسب مع لوك نصيرات الجديد؟
8- ربنا موجود
محمد هيرو || 3/13/2008 3:32:34 AM بتوقيت الأردن
السلام عليكم
أستاذى , والله أنا مش عارف دول هايعملوا أيه تانى بس أقولك والله ربنا موجود ,بس أحنا مش هانسيبهم فى حالهم ونفحهم فى كل مكان ,هما يستاهلوا كده وقضيتنا واحدة وأن أختلفت التعبيرات بس أنا عايز أقولك أنا حاسس أن أنت بس اللى من الأردن اللى بيتكلم, أحنا فى مصر كتير بنتكلم بس عندنا الظلم أيه ههههههههههههه
ما بيخادش برأى حد ربنا معاك ويوفقك
أشكرك
تحيـــــــاتى
9- لوك صومالي
عمر شاهين || 3/13/2008 3:34:59 AM بتوقيت الأردن
عليك ان تتحول دوما حسب سعر برميل النفط الشكل الثابت يعني انك ستموت جوعا والتحول نحو الاقل اي انك يا كامل بعد عام لن تظل بهذا الشكل الضخم إنما سوف تحصل على لوك صومالي
http://omarshaheen.maktoobblog.com/
10- بالعكس هيك أحلى
أبو الأيهم || 3/13/2008 5:46:03 AM بتوقيت الأردن
بالعكس ابو وطن هيك أحلى شعرك المجعد ومناخيرك الواسعات والضربات إلي بجبينك تدل على قوة شخصيتك وإنك ما بتخاف ويا سيدي عالطاقية الحلوة التي أصبحت جزء من لوك كامل النصيرات إحنا حبيناك هيك وعرفناك هيك وأهم إشي بدنا تبقى هيك قلم سليط على كل من يخطيء
11- لوك جديد..... خاوة..!
مدونة احمد ابو مالك || 3/13/2008 6:14:50 AM بتوقيت الأردن
يا سيدي
ما يحصل الآن معنا ومن حولنا سيجعل لك لوك جديد وبدون عمليات مكلفة بل على حسابهم
فلا تخف من ان تصبح بلك على شكل شيخ هرم , بل رايح تآغي كالأطفال مما يحصل ليس وحدك بل نحن معك
فكل واحد يحوش كم فوطة لأنه رايح يصير ازمة عليهم
وتحيتي ولا تنسى اللهاية ....!!!
ahmadabomalik.maktoobblog.com
12- لوك جديد..... خاوة..!
مدونة احمد ابو مالك || 3/13/2008 6:17:09 AM بتوقيت الأردن
يا سيدي
ما يحصل الآن معنا ومن حولنا سيجعل لك لوك جديد وبدون عمليات مكلفة بل على حسابهم
فلا تخف من ان تصبح بلوك على شكل شيخ هرم , بل رايح تآغي كالأطفال مما يحصل ليس وحدك بل نحن معك
فكل واحد يحوش كم فوطة لأنه رايح يصير ازمة عليهم
وتحياتي ولا تنسى اللهاية ....!!!
ahmadabomalik.maktoobblog.com
13- متواضع
عائشه || 3/13/2008 6:41:34 AM بتوقيت الأردن
صحيح من تواضع لله رفع فهذا انت يا ايها القمه على العموم هذا اللوك هو سبب تجمع الجميع حولك إن غيرته ستجد كل من ليس لهم وزن حولك تحياتى وشكرا على ردك السابق
14- الهدف
زهور || 3/13/2008 6:54:13 AM بتوقيت الأردن
يعني بالمشرمحي: بدّي لوك يخلّي النسوان عليّ (حبطرش) ..
انت هذا الذي تبحث عنه.. وكلكم هكذا يا معشر الذكور
ومع ذلك مقال بجنن
15- اضحك الله ستك ع ساعة الصبح
ياسمين كرم || 3/13/2008 6:58:19 AM بتوقيت الأردن
ضحكتني كتير ع هالصبح ،وانصحك بالعدول عن هيك خطوة فقط لقناعتي بان اللة قد احسن تصويرنا حتى وان تسلل للبعض امتعاض من لوكه الا اننا هيك اجمل بكثير
احلى تحية صباحية
16- هيك كتير حلو
زهرة النسرين || 3/13/2008 7:20:05 AM بتوقيت الأردن
ههههههههههه

أخي كامل ..

ومن منا لم يمل من وجهه ورقم 11 المرسوم على جباهنا غصبا عننا ..يا عزيزي هذه التكشيرة لا نستطيع التخلص منها لانها جزء من شخصيتنا العربية ..فماذا تتوقع بعد ان نتصبح بأخبار حارة من غزة ونتمسى بأخبار ملتهبة من العراق ..عموما المفروض عشان اللوك الجديد كنت تسأل شخصيات أكثر خبرة وتمرس ..كالأستاذة إليسا ولا الفاضلة نانسي عجرم ..

عموما اقترح عليك ..تعمل تسريحة الهيبي هوب وتصبغ اسود وتلبس بنطلون ديرتي ..بس وقتها مش راح تظل كامل النصيرات ..راح تكون انسان تاني مش حتعرفو ..

عموما انت عاجبنا هيك ..ولا شو ..؟؟
مدونة هذه تخوم مملكتي

http://nisrin.maktoobblog.com/
17- لين عبدالله
احلى لوك لابو الشباب || 3/13/2008 7:37:13 AM بتوقيت الأردن
استاذي مرصالون تجميل وانا متاكد رح يطلعو منك ابو الكمال كله
رح يبلشو فيك من شعراتك لمنكوشات لاخمص قدمك الخشنات
خذ بنصيحتي واتوكل على الله قبل ما الحكومه اطس النصائح ضريبة نصيحات وتصير تدفع ضريبه حتى على النصيحه الي تسمعها او ترجع النصيحه بجمل متل ايام اللولو
تحياتي الك ابو الكمال
18- لوكك الجديد
أم ليث || 3/13/2008 7:46:34 AM بتوقيت الأردن
الرائع كامل إبن الحلال لا تدزو بوقع لحاله والوك الجديد بيجي لحاله
مع كل متغير نكتسب لوك يليق بنا
أشكرك جدا لتشجيعك على بساطة كتابتي لكنها الأغوار بخضارها تكسبك هذا الجمال الداخلي النقي
19- بسيطه
منى الصاوي || 3/13/2008 7:54:48 AM بتوقيت الأردن
*بسيطه يا صديقي..أضرب بانجو..
حتلاقي الدنيا زهزهت..و كل ما حد يقول حاججه انت حتسقف..و باليل اتفرج على قنوات الاغاني و غني و ارقص معاها..و آخر الشهر اقبض مرتبك..؟؟؟
20- هيك احلى
حامد الجريري || 3/13/2008 8:10:22 AM بتوقيت الأردن
صدقني انك هيك احلى شو بدك بالنيو ولمن لايعرف كامل فهو يمتاز بالحية الخفيفة والشعر المجعد بس على طويل شوي . الحمد لله احنا احسن من غيرنا بكتير
21- كامل ..واستاذ كامل بكل معنى الكلمة
سلام الحاج || 3/13/2008 8:41:30 AM بتوقيت الأردن
والله ما من مرة اقرأ لك يا استاذ كامل الا واكتفي بك عن قراءة كل الجرائد والمجلات واعرف اهم الاحداث في العالم العربي والاسلامي.

والله وفي كل مرة اقرأ لك فيها يا كامل الا واهنئك واهنىء الامة قاطبة بك واهنىء نفسي بمعرفتك.

انت استاذ كامل بكل معنى الكلمة .
وانت دوما في احلى طلة ولوك ولكن العترة علينا نحن الشعب .

هذه المرة الثانية اكتب تعليق فصل الارسال وعاد وتغير لوكي مرتين في دقيقتين وشو العمل يا كامل ؟ بدبرها الله.

اختك التي تحبك سلام الحاج
مدونة الصحة والسعادة / لبنان
22- معك حق
سامح عوده || 3/13/2008 9:05:20 AM بتوقيت الأردن
صديقي كامل ..

ارجو الا تغضب مني وهنا دعني اعترف لك بالحقيقه : هل تعرف ما هو السبب الذي يمنعني من دخول مدونتك

لانه بصراحه لوك تبعك مش ولا بد

فتصور لو اللوك تبعك زي لوك هيفاء ؟

الله .. كنت انام على باب المدونه

ولا اغادرها ..

بش شو نعمل هيك الموجود ..

ان غلاء الاسعار هذه الايام جعلنا كلنا في لوك واحد الكل مكشر

والكل معصب .. وياويلي على الي بيصيبنا ..

ذكرتني بمقال كنت قد كتبته قبل ثلاثة شهور

عنوانه ( جعجة مواطن ) الاسعار نار ..

تعرف ان تيوس الغنم ايضا زعلانه لانه الشعير ايضا اصبح نار

عذرا على الجراه في الرد

ويا ريت الحكومه ما تزعل مني
23- ليش يا دستور
سهران || 3/13/2008 9:27:20 AM بتوقيت الأردن
أنا سهران ..علقت بعد ما نزل المقال ع النت بدقيقتين ومع ذلك لم ينزل تعليقي ..ليش ؟ ممكن أفهم
24- ولوك الحكومة...!!
ام الاطفال || 3/13/2008 9:32:50 AM بتوقيت الأردن
تتورم مناخيرك.. ولا تفظى جيوب الحكومة.. حرام خلي جيوبهم كمان تتورم؟؟!!
25- كمان بدك لوك
طه || 3/13/2008 9:41:17 AM بتوقيت الأردن
أخ كامل الحلاوة بتكون بالروح اولا، بعدين بتبين عالوجه واللي مو مرتاح ومبسوط في داخله لا يمكن يكون مبسوط وتظهر البسمه على وجهه.
26- مش بحاجة
هيام درويشة - لبنان || 3/13/2008 9:50:06 AM بتوقيت الأردن
انا شايفة يا أخ كامل انك مش بحاجة لهالتغيير لانك كل يوم ماشاءالله تتحقنا بلوك ما نعرفو فالى الامام والله حليفك والشعب معك
27- من أبو ظبي نرفع القبعات لك أبو وطن احتراما
إبن الإمارات || 3/13/2008 10:04:40 AM بتوقيت الأردن
منذ أيام وأنا أتابع مقالاتك أبو وطن فأحد الأصدقاء طلب مني قراءة أحد المقالات وبالفعل كنت كما وصفك عبقري زمانك في الكتابة الساخرة الجادة لك التحية وخليك على نفس اللوك يبدو أحلى لأنه طبيعي
28- شو رايك بلوك حاكم ؟؟
NASRA SAMEEH || 3/13/2008 10:52:37 AM بتوقيت الأردن
شوفلك واحد من حكامنا الأ‘زاء، وقلد اللوك، يمكن سر عدم احساسهم بحالتنا يكمن في لوكهم ؟!!
أنصحك تسأل مجرب ولا تسأل طبيب، روح لأقرب حاكم لبيتكم، وااسأله: دخلك شو لوكك المتمسح عشان بدي أوصي ع واحد مثله ؟!!!
29- لوكك اقرب لنا
ناجح الصوالحه || 3/13/2008 11:10:30 AM بتوقيت الأردن
الاخ كامل
تحيه
لوكك رائع وفي تطور هائل عندما جلسنا بالامس شاهدت لحيتك بالوك الجديد وشواربك اسلوبهن جيد .
صديقي كامل
أن منظرك يعجبني جدا واحاول دائما من خلال رويتي لك أرجع بذاكرتي الى الاغوار الذي يمتاز باجمل لوك ، نعي ما تهدف من مقالك ولذلك نطالب الابقاء على هذا الوضع أفضل من القادم .
30- نيو لوك
ماهر 24 سنة غربة عالفاضي || 3/13/2008 11:24:51 AM بتوقيت الأردن
والله انك كامل نصيرات مش ناقص هزيمات،على كل بدك نصيحتي لتحصل على نيو لوك صير وزير أو حرا.........!!!
31- بدون لوك جديد وهيك
روزاتا السيد || 3/13/2008 2:36:27 PM بتوقيت الأردن
تعجبني صراحتك كتير يعني كل هالفه والدورة عشان نسوان حبطرش والله انك طماع ... كل هالمعجبات والمعليقات ومانت راضي ...على العموم نصدق فيك العفه والطيبه وجد هالمره مش مزح
الله يكون بعونك وبعوننا
32- ولك يا غوراني
شو؟ || 3/13/2008 2:38:52 PM بتوقيت الأردن
ولك شو قصة اللوك وما اللوك،ليش اللكلكة الفاضية؟!! الناس عندكو عايفين حالهم وانت بتدور ورا اللكلكات..لا تلك مثل هيك لك شو انت ناسي انهم بيوخذوا ضرايب على اللك والعجن
33- men ana men anta?
mohammed || 3/13/2008 2:44:32 PM بتوقيت الأردن
a`7 wlla `7letne abke 3la 7ale ... 3la alsch3b fe alwtn al3rbe .... mohmmed almania
34- صديقى..........! لا تنزعج
واحده وحيده || 3/13/2008 2:50:12 PM بتوقيت الأردن
ف كلنا أنت.....
هههههههههههه
بس قوللى صحيح
إنت متأكد إن انت اللى تعبت من المرايه..........؟
متأكد يعنى إن مش هى اللى.........!

تحياتى لك أخى وصديقى على تواصلك الرائع على صفحتى المتواضعه.... صدقنى لست مٌجاملة إياك ولكنها الحقيقه
سعيده بمكسبى صديق رائع مثلك
35- تحية
masamati || 3/13/2008 4:23:27 PM بتوقيت الأردن
الاستاذ كامل
تراك تتحول الى لوك جديد بتدرج وانت لا تدري...انظرالى بين حاجبيك...صار عندك11..وانظر الى شعرك من كثر الشد ..صار مستقيما ولا يحتاج الى سيشوار...ومناخيرك صارت مدببة...يا اخي نانسي دفعت بلاوي لحتى يصيرانفها مدبب..وشفايفك ...صارت منفوخة بدون سيلكون..احمد الله لانك بدولة عربية صار اللوك الجديد مجاني..استاذي..
انك تضحكني رغم الالم
http://masamati.maktoobblog.com/تحياتي
36- دام ابداعك
احمد الرواشدة || 3/13/2008 5:05:49 PM بتوقيت الأردن
دام ابداعك فمنذ صرت اقرأك في الدستور وأنا أدمنك ولو تزيد المساحة قليلا .
ممكن طلب كيف اصل إلى كتابك نكشة راس..دخت وأنا اسأل عنه.؟
37- على الموضة
العنود الراشد || 3/13/2008 6:47:57 PM بتوقيت الأردن
عزيزي كامل ...
احنا شعب مكتوب علينا الهم والغم والكشرة ...
عمرك شفت اردني مبتسم ههههههه
وبعدين ما شاء الله عليك مواكب الموضة ... شفايفك منتفحين دون حقن بالبوتكس :)
عقولة اخواننا المصريين لوكك روش
سلاااااااااااااام
38- طول بالك
زين || 3/13/2008 7:00:22 PM بتوقيت الأردن
يعني بدل ما تحك انفك و تمط شفافك وتشد شعرك ما كان أحسنلك تطول بالك و هيك لوك الجبصين كان يجي لحالو ... يعني كل هل الضجة و الحل ف إيدك ؟؟؟؟
مو سمعان ب كبرها بتكبر و صغرها تتجبصن ...؟
39- اشياء تانية لازم تتغير...
باسل فلسطين || 3/13/2008 7:47:31 PM بتوقيت الأردن
في مثل بيقول بيقول لا تنام في المقابر ولا تشوف كوابيس
يعني بدل ما تغير اللوك وتتعب حالك بدون جدوى لانه الاسعار راح ترتفع واللوك الجديد مش راح ينفعك...روحلك عن عراف خليه يشوفلك طريقه لكبح ارتفاع الاسعار...
بالنسبة للجبصين لو لم يكن كل الشعب العربي مجموعة من التماثيل لما حدث اللي حدث ...
لحد هون وبكفي حكي بلااش نروح بداهية سوى.....
تحياتي
40- رائع
أبو آدم || 3/13/2008 7:49:00 PM بتوقيت الأردن
أشكر لك اسلوبك الساخر وفكرك الرائع فى الكتابة.
وماقرأته الآن فسر لى أشكال الكثيرين فى مصر !!
41- ما بيلبق لأشكالنا
asmhan2222@yahoo.com || 3/13/2008 8:16:13 PM بتوقيت الأردن
والله لو عملت ألف لوك ولوك لأطولك من بينهم.
اللوكات مش لأشكالي وأشكالك ..إحنا الفقر وكثير علينا.
ما بيلبق يا كامل ما بيلبق أو ما بيلبأ.
وهاي ضحكة تحت الحساب اللوكي الجديد هاهاهاهاهاهاهاهاها
42- http://sabaalbadan.maktoobblog.com/807128/?±?­U??©_?¥U?U?_?§U??£U??¯U??³/?postView=1
نبيلة الخطيب || 3/13/2008 8:52:44 PM بتوقيت الأردن
الأخ المبدع الأستاذ كامل نصيرات
مرورك بمدونتي يسرني
أتابعك فتلقي عليّ حملاً ثقيلا.. تقصم الظهر ضحكاتك المرة وتحز العالم من الوريد إلى الوريد.
43- http://sabaalbadan.maktoobblog.com/807128/?±?­U??©_?¥U?U?_?§U??£U??¯U??³/?postView=1
نبيلة الخطيب || 3/13/2008 8:53:20 PM بتوقيت الأردن
الأخ المبدع الأستاذ كامل نصيرات
مرورك بمدونتي يسرني
أتابعك فتلقي عليّ حملاً ثقيلا.. تقصم الظهر ضحكاتك المرة وتحز العالم من الوريد إلى الوريد.
44- hopa_elhady.maktoobblog.com
هبه الهادى || 3/13/2008 9:40:11 PM بتوقيت الأردن
احلى نيولوك ممكن تعمله هو انك تلبس الحزام الناسف(low west) طبعا عارفه و تمشى وان تختوخة بيه كدة تبقى حاجة اية تجنن
هبه
45- دعوة
محمد رمضان || 3/13/2008 11:05:25 PM بتوقيت الأردن
أعزائي وأحبابي
أدعوكم
لقراءة الجزء الأول والثاني والثالث
من حكاية طالوت وجالوت
وإبداء رأيكم في طريقة السرد
نفع الله بي وبكم الإسلام
فنحن نجتمع على محبة الله ورسوله ودمتم طيبين
46- تحياتي لك أيها العزيز
ناصر الريماوي || 3/14/2008 1:11:39 AM بتوقيت الأردن
http://nafaba.maktoobblog.com/

الاخ كامل تحياتي لك

دخلت اليوم وتركت تعليقاً مازحا، لكنه لم ينشر... ربما أنا زودتها شوي فلم يمر عن الرقابة... مش مهم ، المهم انا دخلت لأشكرك على زيارتي في مدونتي
وأقول لك " شرفتنا" بالزيارة
أما " اللوك" فهو جميل لا يحتاج لتبديل، لكن الإسقاط جميل في هذا المقال فالأدب الساخر يمتلك شهرة عالمية في تناول قضايا الامة والناس.
وشكرا...
47- قول للزمان ارجع يامان
طارق الغنام || 3/14/2008 5:27:32 PM بتوقيت الأردن
الرائع كامل النصيرات
اعتقد ان الحل مش فى اللوك الجديد الحل ان تقول للزمان ارجع يازمان ونرجع اطفال لا يهمنا غلاء ولا يهمنا شئ ولكن كتب علينا الغلاء والعمر فى انقضاء واقولك اية راحت علينا يامان
مدونة بورسعيدى
http://ghnam2312.maktoobblog.com
48- نيولوك ؟
علا بركات || 3/14/2008 11:02:58 PM بتوقيت الأردن
استاذ كامل
بتشتكي م الغلا ومع كده عايز تعمل نيولوك ؟ مش عارف ان النيولوك ده عايز فلوس اد مرتبك ف ميتين سنه واربع شهور وبعدين يا صديقي مهما عملت نيولوك ولا حتي ديفرنت لوك وبالمناسبه الاخيره دي معناها انك تغير شكلك خالص يعني ماحدش يعرفك بعدها
مهما عملنا اللي ف القلب ف القلب واللي عند الحكومه مش حايتغير
احنا محتاجين نعمل نيولوك او احسن ديفرنت لوك للحكومه مش لينا احنا
تحياتي
علا بركات
49- يمكن
ابوبدر الرويلي || 3/14/2008 11:13:16 PM بتوقيت الأردن
يمكن ايه يمكن لا ويمكن نعم ويمكن بلي معلم أملاء انا
50- سؤال
الاسم غير متوفر || 3/14/2008 11:15:28 PM بتوقيت الأردن
النصيرات اصلي صدق انت من النصيرات ؟
؟ ؟
51- لوك !
نصر بدوان || 3/15/2008 6:37:56 AM بتوقيت الأردن
لا لكلكني ولا لكلكته
كامل تلكلك لحالو
جاي بآخر زمانه
يتلكلك
مدري شو عبالو
شايفلو شي عصفوره
ولا الغلا غير حالو!
52- الاردن
عائشة حطاب || 3/15/2008 11:43:00 AM بتوقيت الأردن
صباح الخير سيد كامل
بيقولو انه في مخالفة قيمتها ( 15 ) دينار من الحكومة للي عامل لك جديد يعني الحكومة الي بتشوف شعر الواحد واقف مثل الأبر والي لابس بنطلون ساحل بتخالف شو رإيك في هذا الحكي يعني ما ضل اشي إلا نتخالف على إلا اشكالنا سقالله على مخالفات السير والي بتكثر أخر الشهر
يعني اذا كنت ماشي في الشارع ولابس بنطلون ساحل وزحطت في نصف الشارع بتاخد مخالفتين على مشيتك وبنطلونك
وله من وين الحكومة بدها اتجيب مصاري يمكن فقيره الحكومة الله والعليم يمكن نتخالف على النظرة فيا شباب لو سمحتو البسو نظرات عشان ما تتخالفو مخالفة غير شريعية ههههههههههههههه تحية لك كامل
53- الاردن
عائشة حطاب || 3/15/2008 11:45:09 AM بتوقيت الأردن
لو ما نشر تعليقي رح ازعل يا جريدة الدستور هه لازم ايكون في ديمقراطية يا شباب اللبلد
54- انصر بدون
ابوبدر الرويلي || 3/15/2008 9:27:20 PM بتوقيت الأردن
اسمع انت تعرف تكتب او لا كم عمرك وانتي ياعائشة ازعلي احسن ههههههههههههههههههههه طيب شكرا انكي الواحدة الجريدة التي تنشر تعليق في وقت موجز اي قصيرر ولا تطلب البريد شكرا جدا من القلبي
55- لوك؟راح يكون أكلك من ماتتخيل
نهله محمد || 3/18/2008 3:46:33 AM بتوقيت الأردن
سيدي ابو نصيرات لاتخاف عما قريب وجداً
ستصبح بلوك ولا أميز لوك يهرب النسان
عالمزبوط ,,لأنو شفايفك راح تكون أكبر من الع والكظم كلما سمعت إنة سعر البكت الواحد راح يخبط براسك,وأنفك ياحرام راح يتوسع ويتمدد تبع تمددات الدولار والا اليورو,وحواجبك ولا حواجبك ممكن يكونو هربو من كتر ماتنذهل بالأسعار
وتصيب رعشا الدهشة..والجبين ياحرام راح يصير سجاد مأكول وأحمر وفوق بعضو..والشعر راح يتساقط وتسير متل مساري
أقرع شو أحلا من كدا؟؟؟لوك ينافس المتلكلكين كلللللللللللهم
56- اللوك
كرموش......... || 5/28/2008 11:27:51 AM بتوقيت الأردن
عفكره صراحتك كتير عجبتني
وبالنسبة للوك بتمنى ما تغيره
لأنك تذكرني انه خوالك الفهود
عفكرة انا كتير بفتخر فيك وبفتخر انك ابن عمتي

الاسم:  
عنوان التعليق :  
التعليق :  
 
 

الصفحة الرئيسية | - | محليات ومحافظات | - | دولي وعربي | - | اقتصاد | - | قضايا وآراء | - | فن وثقافة | - | رياضة | - | دروب | - | الوفيات | - | رسائل الى المحرر | - | عن الدستور | - | نتائج التوجيهي 2010
© Ad-Dustour Newspaper 2007 | e-mail: dustour@addustour.com.jo | Developed by Ad-Dustour Newspaper Internet team